Kabaretistesch Liesung mam Jhemp Hoscheit a mam Jules Arpetti
24/01/2017Galerie
"Sorry fir deen Duercherneen!"
2016 ënner d'satiresch Lupp geholl
Text: Jhemp Hoscheit
mam: Jules Arpetti a Jhemp Hoscheit
Mëttwoch den 1. Mäerz 2017
ab 19.00 Auer
am Café de la Place
zu Bouneweg
Et ass eng ofwiesslungsräich, kabarettistesch Liesung iwwert dat, wat 2016 national an international geschitt ass. De Jhemp Hoscheit – zesumme mam Jules Arpetti – maachen e polit-satiresche Réckbléck, eng Chronik iwwert d'Aktualitéit vum vergaangene Joer mat bëssegen, kriteschen a wuertwitzege Commentären. Et ass eng Liesung wéi aus engem Roman. Aus engem Goss. Et ass awer keng Fiktioun, mee d'Realitéit. Mount fir Mount. An och wann d'Aktualitéit net ëmmer lëschteg war, gëtt se mat Humor an Ironie op d'Schëpp geholl.
De Jhemp Hoscheit, deen Enn vun den 80er Jore mam Jemp Schuster als J(h)emp2 opgetratt ass, an de leschte Jore mat senge Romaner mam Jules Arpetti op véier Liestournéë war a fir déi lescht véier Cabarenert-Programmer matgeschriwwen huet, huet elo fir d'éischt e ganze Cabaretprogramm geschriwwen, deen op d'Tournée wäert goen.
D’FGIL, an Zesummenaarbecht mat der Editions Binsfeld, proposéiert Iech dëse satiresche Spaass, opgelackert mat musikaleschen Intermezzi vum Jules Arpetti, servéiert mat lëtzebuerger Spezialitéite vum Cosymo Longo an dat engem neie Kader.
D’FGIL servéiert :
Ab 19.00 Auer : Accueil mat engem Glas Crémant an Amuses-bouches
Duerno den 1. Deel vum Jhemp Hoscheit sengem Programm
An der Paus
|
Dem Cecile Bock hiren Ierzebulli! Mat frëschen Ierzen, Schallotten, Speck, Mettwurscht a Sauerram Am Boll servéiert, als Bäilag Knueweleksbaguette |
oder |
Bouneschlupp wéi Doheem! Mat frësche Bounen, Poretten, Gromperen, Speck, Mettwurscht a Sauerram. Et gëtt och am Boll servéiert an do als Bäilag: selwer gemaachte Paangecher. |
Den 2. Deel vum Programm
A fir ofzeronnen als Dessert
En Teller Schneeckereien an e Café
Onkäschtebäitrag : 48 € pro Persoun
Et si genau 50 Plazen disponibel
|
De Café de la Place as zu Bouneweg niewend der Agence Binsfeld op der Place du Parc Fir ze parke proposéiere mir d’Parkhaus an der rue Sigismond (bei der Bouneweger Schwemm) |
 |
